Выпускны баль - 2024

14 чэрвеня для выпускнікоў 11 класа выдаўся насычаным на падзеі. Упершыню ў Астраўцы адбыўся раённы выпускны баль, на якім прысутнічалі ўсе выпускнікі раёна. Прыгожыя і адкрытыя да новай жыццёвай старонкі 19 выпускнікоў школы прынялі ўдзел у акцыі да 80-годдзя вызвалення Беларусі ад нямецка-фашысцкіх захопнікаў, горда прайшліся ў парадзе выпускнікоў, прынялі ўдзел у святочным мерапрыемстве, падчас якога былі ўручаны залатыя меалі і нашым выпускнікам: Вярбовічу Аляксею, Свілу Аляксандру і Юркойць Марыі Таццяне. А пасля раённага мерапрыемства выпускнікі 2024 года вярнуліся ў родную школу, каб у апошні раз у якасці вучняў парадаваць прысутных сваім талентам, крэатывам і пазітывам. У добры шлях, выпускнікі 2024 года! Няхай удача не пакідае вас!!!