І зноў званок нас кліча на ўрок!

1 верасня распачаўся новы навучальны 2023/2024 год з урачыстай лінейкі, на якой прысутнічалі шматлікія госці: старшыня Астравецкага райвыканкама Шалудзін Ігар Яраслававіч, намеснік начальніка аддзела адукацыі Дэмбоўская Вольга Яўгеньеўна, старшыня Варнянскага сельскага савета Вярбовіч Аляксандр Часлававіч, пробашч Варнянскай парафіі ксёндз Віктар Захарэўскі, ляснічы Варнянскага лясніцтва Філіпчык Юрый Леанідавіч, намеснік старшыні па ідэалагічнай рабоце КСУП "Варняны" Мятлеўская Людміла Віктараўна, прадстаўнікі РАУС, пагранічнай заставы "Маладзечненская" і іншыя. Усе яны цёпла прывіталі школьнікаў і педагогаў, пажадалі ім плённага навучальнага года. Асаблівая ўвага на лінейцы была ўдзелена 21 першакласніку, якіх у школьнае падарожжа павядзе іх першая настаўніца Лакевіч Таццяна Станіславаўна. А ўсяго за парты ў гэтым годзе сеў 291 школьнік. У добры шлях, 2023/2024 навучальны год!