Загадкі пра жывёл

1.І сваё дзіця не забыла, і чужых малаком напаіла. (Карова)

2.Не згубіла, а ўсё тупае, не хворая, а ўсё крэхча. (Свіння)

3.Не прадзе, не тчэ, а людзей апранае. (Авечка)

4.Улетку шэранькі, узімку беленькі,

Доўгія вушы, хутка ў лес уцякае.(Заяц)

5.Хоць малы ён, часам з кулак, але не возьмеш ніяк.(Вожык)

6.Не рыба, а плавец, не конь, а ходзіць, не піла, а рэжа.(Бабёр)

7.У лесе жыве, харчуецца, на галаве дрэва красуецца.(Лось)

8.З барадою, а не стары, з рагамі, а не бык, лыкі дзярэ, а лапці не пляце.(Казёл)

9.З людзьмі сябруе, хату вартуе, жыве пад ганкам, хвост абаранкам.(Сабака)

10.Сядзіць на печы, заплюшчыўшы вочы.(Кот)

11.Хоць малая, ды дужая: з сабою хату носіць.(Чарапаха)

12.Па долах, па горах ходзіць футра ды кафтан.(Авечка)

13.Хто па ёлках спрытна скача, узлятае на дубы?

Хто ў дупле арэхі хавае, суша на зіму грыбы? (Вавёрка)

14.З грывай, але не конь, з рагамі, а не бык,

З барадою, а не казёл.

Гучна-гучна зароў цар пушчанскіх звяроў.(Зубр)

15.Ён прысмакаў з’еў нямала, а калі харчоў не стала,

Лапу смокчучы, заснуў, ледзьве не праспаў вясну.(Мядзведзь)

16.У рыжай разбойніцы хвост, як мятла.

Ад кары ўцякла- сляды замяла.(Ліса)

17.Маленькі шарык пад лаўкай шарыць,

Збірае крошкі, баіцца кошкі.(Мышка)