РУС БЕЛ ENG

Загадкі пра птушак

1.    Спераду шыльца, а з хваста вільца,

Паверх –чорнае сукно, спадыспаду-палатно.(Ластаўка)

2.Ходзіць цар па градзе, у дастатку ён жыве:

Два бліны на барадзе, а трэці на галаве.(Певень)

3.Шустранькі, маленькі, сам у шэрай світцы,

Шукае канапелькі, каб трохі пажывіцца.(Верабей)

4.Праз горы, даліны, праз тысячы сёл,

З далёкай краіны вярнуўся пасол.

Паважны, галоўны, ён стаў на страсе,

У ботах чырвоных, каб бачылі ўсе.(Бусел)

5.Усіх я буджу, хоць не ваджу.(Певень)

6. Даўганосы, даўноногі прыляцеў з далёкай дарогі.(Бусел)

7.Без страху, без гора, пралятае рэкі і мора.(Птушка)

8.Да яліны, да сасны доктар прыляцеў лясны.

Палячыў сасну, яліну і высокі бор пакінуў ,

Паляцеў у той лясок, дзе бярозавы піў сок.(Дзяцел)

9.У сінім небе галасок, як маленькі званок.(Жаваранак)

10.Спінка зеленавата, жывот жаўтаваты,

Чорненькая шапачка. І палоска шаліка.(Сініца)

11.Хай я птушка-невялічка у мяне, сябры, прывычка-

Як пачнуцца халады, прама з поўначы сюды.(Снягір)

12.Птушка зверху налятае і цыплят знізу хапае.(Ястраб)

13.Па начах яна лятае, спіць на дрэве днём.(Сава)